Sin il lag da Laus el vein pigliau,
ina tatta sc’in clavau.
Quella pesca festivein
al til da tscheiver part prendein.
Suenter onns en gronda stenta
uss havein el cuglienau.
Cun quei ch’el va bu en la brenta,
nies pesch sil car nus vein cargau.
Sin il lag bia pigns mess en,
biars da quels hal magliau en.
Uss il Lucas ha plascher
che quels tals savein guder.
Ils pigns sil lag san selegrar,
en siu buttatsch ston buc crepar.
Sco pescadurs nus selegrein
il quantum crescha uss pli bein.
Quater, tschun e sis artgeras,
quei cletg ha uss finadin
e quei sche morden aunc las bueras
per oz fagein nus ussa fin.
